په کابل کې د ایرنا خبري آژانس د خبریال په خبره؛ د افغانستان د سرپرست دولت د کډوالو او راستنېدونکو چارو وزارت مسوولینو نن چهارشنبې د وري ۱۵ مه په یوه خبرپاڼه کې اعلان وکړ چې تېره ورځ د تورخم له فرضي کرښې نه ۱۴۸ افغان کډوال په زوره هېواد ته راستانه شوي دي.
د کډوالو چارو وزارت چارواکو هم په یوه بله جلا خبر پاڼه کې اعلان کړی چې په ایران کې مېشت ۱۷۱۹ کډوال د هرات د اسلام قلعه بندر له لارې پرون هېواد ته راستانه شول.
اسلام قلعه ک د سرحدي قوماندانۍ د معلوماتو له مخې، په دغو کسانو کې کورنۍ او مجرد کسان هم شامل وو، چې له دې جملې څخه ۴۹۷ تنه یې اړمن او د کډوالو نړیوال سازمان دفتر ته د خوراکي او غیر خوراکي توکو تر لاسه کولو لپاره وروپېژندل شول.
خبرپاڼه زیاتوی: ۳۳ تنه یتیم ماشومان د خپلو کورنیو د پېژندنې په موخه وارچلډ انسټیټیوټ ته ور وپېژندل شول، اتو کورنیو ته ۱۰ زره افغانۍ، ۳۲ تنو ته سیم کارتونه د پولې په اوږدو کې د مسؤلینو له خوا په وړیا توګه ووېشل شول او ۱۷۰ تنو ته روغتیایی خدمات وړاندې شول.
د پیغام پای/
Your Comment